Lukas 一邊吃午餐, 一邊週圍望, 好不專心地吃他的午餐!
突然問我 “媽咪, 地下係咪藝術呀?”
我 “咩藝術呀? 地下點樣藝術法呀?”
Lukas 一邊指著地板上的木紋一邊說 “你睇下, 地下有一條條既紋, 有d大條, 有d 細條, 係藝術呀!”
我 “呵 ~~ 係wor..有patterns 架wor..又真係幾藝術wor ” (我要扮到好識咩係藝術咁講…嘻嘻)
Lukas 覺得我很讚成他的想法的樣子, 沾沾自喜地又說 : “媽咪, 我隻腳跌親呀, 我要plasters 呀!” (佢前日上學途中跑得太快而跌到, 流血)
我 ” 咁你貼plasters 喇~~”
我看見他取了四片plasters 出來, 我就說 “咁細個傷口, 使唔使四片咁多呀? 兩片就得啦~~”
Lukas “我要四片呀, 藝術呀, 你睇下” (一邊把四片plasters 貼上Knees 上成為兩個十字)
Lukas 續繼說 “Cross 呀, Jesus 既cross 呀, 我用兩種唔同既plasters, 係咪好藝術呀?” (咦~~睇真d, 原來佢真係用左兩隻唔同牌子和質地既plasters 呀)
[我心諗, 跌親o姐, 使唔使咁"藝術"呀, 一盒plaster 都未用完就開另一盒, 而家兩盒都開晒, 就係為左整個"藝術" knees]
我心雖然咁諗, 但我個口就對Lukas 說 “係wor…好”藝術” 呀 ~~” (係咪好假 ~~嘻嘻)
Anyway, 吃完午餐後, Lukas 穿上短褲, 好神氣的用他那對”藝術的” 腿走路上學去! 還一邊走路一邊指指週圍的環境說 :
“媽咪, 你睇下呢棵樹, 藝術呀…佢有唔同既根, 樹葉同紋架!”
“媽咪, 個地下都係藝術呀, d 一粒粒唔同型狀架”
我”呢d一粒粒係石仔…”
我們的一路上都在談”藝術”直到回校….. 原來呢個世界真係好藝術架!
感謝神創造一個美妙的大自然…一個充滿藝術氣質的大自然!
