羅慧娟姐姐

今日看了新聞後，找出相片來和Lukas談話：

我「Lukas,記唔記得呢個姐姐呀？」

Lukas 「唔記得」

我「記唔記得你係 Skechers 嘅function，你除左同Sammi 鄭秀文姐姐影過相之外，都有同呢個羅慧娟姐姐影相呀？」

Lukas 「哦....我記得喇」

我「Lukas, 我想同你講，呢個姐姐今日死左...」

Lukas 「佢點死㗎?」

我「cancer....病死」

Lukas 「咁佢信唔信耶穌㗎？」

我「信，佢信㗎」

Lukas 「你點知佢信？」

我「我睇過佢嘅video，佢講過佢點樣信耶穌㗎...係呢，點解你咁問嘅？」

Lukas 「因為信耶穌，第時可以復活囉」

我「係呀，你講得岩呀」

Lukas 「媽咪，咁你會唔會哭㗎？」

我「唔會...佢會上天堂嘅」（當然主要的原因是我跟這位姐姐是不認識的）

Lukas 「係呀，如果佢嘅墳墓有個十字㗎，就代表佢係信耶穌，可以上天堂㗎喇」

**是的，神你說過----「因為我父的意思是叫一切見子而信的人得永生，並且在末日我要叫他復活。」 (約翰福音 6:40)**

Rest in the Lord, Jacqueline

畢業

幼稚園的畢業典禮已完滿結束。為Lukas的成長滿心感恩（感謝神，感謝學校的員工們和同學的家長們）。他在這所夢寐以求的幼稚園過了三年非常愉快，充滿關愛的幼兒學習生活。沒有課本，但卻充滿知識；沒有嚴厲的校規，但每個小朋友也很懂得以禮待人及守規矩。緣於學校以「愛」為本的教育宗旨。

仍然很清楚記得三年前的入學interview, 雖然心想機會不大，但實在太喜歡這所幼稚園，所以這是我為Lukas 唯一報考的幼稚園。加上禱告，很高興Lukas被錄取。

因為是學生人數少，所以學生和家長們都比較熟絡。除了上下課見面外，我們還有在假日相約活動，有些家長還會有更深入的生命分享，我們一同歡笑，一同哭泣，互相支持鼓勵，大家都很珍惜這段友誼！

相聚有時，分離有時。我們的小朋將會到不同的小學升讀，當然依依不捨。但人總是要成長的啦..我深信天父愛每一個孩子，所以衪定會看顧他們的前路..

聖經說「教養孩童，使他走當行的道，就是到老他也不偏離。 (箴言 22:6)」

讓我們繼續跟孩子一同學習。

*相片為畢業禮上我們班的表演*

原則

話說Vienna為酒店拍了一個廣告，需要穿泳衣的,因為拍攝酒店泳池景：

Lukas "媽咪，Vienna 使唔使著bikini 㗎？＂

我＂應該唔使嘅，佢係小朋友嘛＂
Lukas "如果係有少少喊濕嘅，你叫佢唔好拍呀！仲有，如果拍泳衣 ，要女仔agent 睇住佢喎，男仔拍，就要男仔agent 睇住＂（因為佢知有時agents 會跟jobs). 

我＂我地知㗎喇，係呢，點解唔好拍喊濕個d呢？＂（很想聽他的見解）

Lukas "總之唔好拍啦, 個d唔係咁好㗎，咁你自己拍唔拍吖？＂

我＂都唔會有人搵我拍啦 ，不過我都唔會拍，咁你呢Lukas,你又拍唔拍呢？＂

Lukas "你唔拍，我都唔拍＂

***真係估唔到Lukas 幫家姐分析埋家姐嘅jobs，感恩佢有點做事原則***

Talent Show Day

Talent Show Day at Vienna's school. There were different performances: magic show, skit, singing, musical instruments, poems, flower arrangements, skipping, unicycle..etc. Vienna did poem and piano with her friends.

畢業帽絮

幼稚園要求每一位畢業小朋友自製畢業帽絮，這是Lukas 的畢業帽絮。末端的Love 代表學校員工對Lukas的愛，七彩代表學校給予了Lukas 一個多姿多彩的幼稚園生活，七彩也像彩虹一樣代表了神對人的應許，願祂的慈愛應許永伴Lukas,升上小學後繼續過另一個豐盛的學習生活！感謝主！

考慮別人感受

話說Lukas 去了一個超多人cast的job casting, 他聽到casting人數之數目後，自己也覺得機會不大，但他仍然在casting 時努力地擺出他的＂型仔poses＂ . 

怎料有通知去fitting，Fitting 時才知道client 只選了一位小男孩model和兩位小女孩models,其餘的是成人models. 

Lukas 當然非常高興他可以有這個job. 在Fitting 當日，我和他在厠所時：

Lukas"媽咪,我可唔可以同果個姐姐（the client's staff) 講「妳真係好人, 多謝妳揀我呀」，可唔可以咁講呀？＂

我＂可以，當然可以啦 ，你都幾有禮貌喎！＂

Lukas 想了一陣＂都係唔好喇！＂

我＂點解嘅？＂

Lukas "如果我咁講 ，個姐姐聽左之後，可能佢會諗--->（我冇揀個d人 咪會話我唔好人。）
我唔想個姐姐咁諗呀 ，好多人冇楝到，佢咪諗好多人話佢唔好人囉。所以我都係唔同佢講喇！＂

我＂哦....咁隨便你講定唔講喇 ，不過你都諗到幾深入喎！＂

**我覺得那位staff 姐姐應該不會思想Lukas假設的那想法，但Lukas 的確有考慮過別人感受**

痛快的吃

媽媽小時候，外公不許媽媽吃街頭小吃，但媽媽總是有辦法偷偷的買來吃！而你們就可以大庭廣眾痛快的吃，多美味！

another Mother's Day

I felt so tired after the morning meeting today and wanted to lie down for a little while when I returned home. I found a beautiful flower laid on my pillow. It was Lukas who made me this flower. After kinder , I asked him who taught himto make it. He told me he made it himself by following the instructions he found from Vienna's origami craft book ( that impressed me!) I asked him why he gave me the flower and he replied " I want to give you another Mother's Day".

The five love languages of children

之前係Facebook 講過Five Love Languages系列嘅書，我也想看Five Love Languages of Children, 怎料Lukas竟然係學校借左中文版返嚟比我睇(真巧合！）。

我借故的跟他說「咦Lukas,多謝你借呢本書比我睇喎，我剛剛想睇呢本書，呢本書係教父母點樣教訓d小朋友㗎！」

Lukas 「Huh? 咁我下次唔借呢類書喇，我要同呢本書睡覺」（意思唧係唔比我有機會看這本書，因為佢知我是在晚上看書的)

我「嘻嘻....我講笑啫，其實呢本書係教父母點樣love佢地嘅小朋友嘅」

Lukas「我唔信」

****我知我衰左，原來當我呃左佢地，就算知道真相，都會選擇相信「壞」的方案，因為要保障自己***

*我真的要用心讀這本書來多多學習，但現在可能要他在學校的時段看...哈哈*

self designed tee to school

As you might know that no school uniform required at Vienna's school, so she enjoys choosing the clothes she wears to school everyday. I was in my room and heard that she didn't like the dress she just put on this morning. Then after few minutes she appeared in front of me with her hand painting tee she just drawn ( yes just drawn after her breakfast this morning)!! I jumped out of my bed and took a pic of it. I don't mind she expresses her art this way ... but it was drawn with crayon ( not for fabric type, so it means no washing). She was so happy to wear her own designed tee to school today ( wonder if it will stain on other kids' clothes and her school paper work). Never mind! Maybe I should buy her some fabric crayons and some plain tees. So she can wear " whatever she wants". Cheaper and happier.

June 4

今日接Zac放學後，給他看「六四是怎樣一回事？」的YouTube :

我「Zac,你睇完有咩感想呀？」

Zac 「我可唔可以講粗口㗎？」

我「講粗口咁又唔好..」

Zac「我真係好想講粗口！我覺得個政府係度扮緊秦始皇囉!!」

***呀仔，此言也有道理***

Zac「點解唔捉左殺人個d 人去坐監?」

我「因為佢地就係政府d人囉」

Zac「（口物）呢d唔係由律師處理嘅咩？」

****呀仔，你又帶出另一個問題...官僚腐敗***

Zac 明天的考試就是中國歷史部份，現在讀的當然沒有六四民運事件，那將來書本會怎樣記載這件歷史呢？如果他不是明天有考試，我們今晚會一同到維園...

若你今晚有機會到維園，可否代我燃點一支洋燭？

Lukas inline skating

今早心情是有點沈重，因為知道Lukas 的兩位好朋友今輪也派唔到跟Lukas 同一間小學，但下午發生了這件事，使我啼笑皆非。

地點:屋外花園
人物:Vienna 正在教Lukas inline skating ( Lukas 第一次穿上skating shoes) 

我聽到有人狠狠跌倒的聲音，所以Zac和我也跑出屋外看個究竟。

Lukas 正在小心翼翼的向我們skated 過來。

我「Lukas,係咪跌親呀？」

Lukas 「冇呀...」

我「我明明聽到有人跌倒好大聲㗎喎，都話叫你著 knee pads㗎啦,跌倒流血就好痛㗎喇，hamlet 又唔戴，跌親頭同尾龍骨就最危險...」

怎料Lukas 突然放聲大哭,手指著他的私人部位說「我個ball 呀, 我爆左一個ball 呀...嗚嗚...嗚嗚...」

***我聽後也很驚慌，很怕有意外弄傷了他的下體,所以我立即為他檢查一下****

我一邊驚慌地檢查，一邊說「死啦 ,我都feel 唔到喎，痛唔痛呀？」

Lukas 「我 feel 到唔見左一個呀...嗚嗚..，Vienna , 最衰你叫我著呢對鞋,叫我skate， 搞到我咁..嗚嗚...」

Zac 氣定神閒的安慰Lukas 「唔會嘅，羅Sir (他的老師）話如果爆左一定勁痛㗎，你應該冇爆㗎」

Lukas 「我而家覺得痛痛地呀...」

我「唉...唔好講喇,你快d除左對鞋，去沖個涼先再睇下點啦」（其實那時我也有點緊張和擔心）

Lukas 流著涙的說「我而家又好似feel 到仲得番半個ball 喎..」

我「唔好講喇，快d返入屋先啦」

Zac 伴隨Lukas 行入屋途中「Lukas 你知唔知如果冇左個ball係唔可以生BB 㗎？」

Lukas 「 我知 ,仲唔可以生鬚吖嘛」

臨入門口時,Lukas 大叫「媽咪...媽咪...我feel 到喇 ,個ball 原來走左上去呀！冇爆到呀！」(臉露喜悅之色）

****我都立即鬆一口氣,所以今日有替他洗澡，要確定一下無礙，但一邊為他沖水 ，一邊想到他剛才的嚴肅樣子 ，我忍唔住笑了出來！但他不許我笑***

呀仔,下次feel 清楚先同我講呀 ,我真係唔嚇得㗎！感恩沒有意外發生。洗澡後要到朋友家和狗狗玩耍一下來舒緩情緒