端午節

Zac "媽咪，今日係學校既演講比賽，但我唔記得左呀＂

我＂huh?! 咁點算呀？＂

Zac "我攞左冠軍＂

我＂huh? 咁唧係點呀？咁都得？＂

Zac "我返到學校先知道係今日，所以係早上狂諗下點講囉＂

我＂咁你講左d 咩呀？＂



Zac "我講端午節既來源，以前既人點樣慶祝，而家既人㸃樣慶祝，我自己點樣慶祝。因為我冇


預備，所以冇寫係紙度，想講咩就講，其他人望住佢地張紙，冇咩eye contact,可能係咁，所


以贏左。我三連冠喇，連續三年贏左冠軍＂



我＂咁勁？咁下年如果又有份參賽，要記得預備喇，唔係年年都咁好彩架！＂



Zac "我知喇，呢d嘢對升中學有幫助嘛＂（佢今年比老師洗左腦，好多嘢都話對升中有幫助


e.g. 參加小童群益會）


**Anyway, 其實跟Zac 以上的對話令我想起我唸中學時的一課堂：



老師＂各位同學，請問屈原點死㗎？＂



我第一個回答＂係屈死嘅，係比人屈死嘅！＂



老師＂呢位同學，我地係唔可以講d 咁粗俗嘅字嘅＂



我＂但係佢真係被屈而死㗎喎＂



老師＂都話唔用得呢個字囉，用「陷害」或者...."



我. "哦...."