暑期作業

勁高興!
話說Lukas只做了幾頁暑期作業，時時拖日子...話遲d做。

我見他叫Zac和Vienna開Facebook accounts ,為的是投票（他參加了FB Sunday Kiss magazine page 的活動，相片需要投票才能得奬）

**當然我不讓Zac 和Vienna 開FB accounts.

我見他咁熱心，所以我投其所好，我對Lukas說:「如果你今日做晒全本暑期作業，我就邀請多d朋友幫你投票啦」

真係估佢唔到，佢真係坐左成個下午把全本作業做完。激呀....！勁呀...再次証明「投其所好」好有效！哈哈...

remote control

吃完晚飯後，准許孩子看一套電影（HBO),我家的HBO台是要入密碼的，當選好了看那一套電影，我預備入密碼時：

Zac 「媽咪，等陣，等陣，比個remote control 我先」

我「咩事呀？」

Zac「比我先啦，我要整d嘢」

**Zac和Vienna拿了個remote control 入廚房，出來時個remote control 已被保鮮膠包著

我「做咩包住個remote control 呀？」

Vienna 跟Zac一邊竊笑一邊說「冇嘢，你用啦，我地想知咁用有d咩唔同啫」

我「哦〜係咪怕整污穢個remote control 吖？」（心諗：好似d老一輩嘅人包住d嘢用，因為怕整污穢）（我還拍下remote control 的照片）

當我剛剛入完個密碼時，
Lukas突然殺出來大叫「媽咪~~佢地想偷個密碼呀，你撳個密碼時，保鮮紙就留低你嘅手指模，佢地就知你撳過邊個密碼㗎喇！」

我恍然大悟「huh? 咁都得？Lukas 你點知㗎？你係咪同佢地一齊嘅？」

Lukas 「唔係呀，我只係聰明咋！」

說時遲，那時快。Zac已一手把remote control從我手搶走了。

當時還鎮定的我「唔緊要啦，你知道我撳左邊幾個數字又點吖，有咁多個combinations, 你試唔到密碼嘅啦~~」

Vienna 興奮地「Zac, 我已經睇左撳嘅方向，我記得晒!」

聽罷，我立即搶回Zac手中的保鮮膠，弄破了，他還是再拿回來硏究一番。(相片就在這時拍的）

**應該是時候更改密碼了，幸好Lukas揭破，如果唔係...***

早餐

今晚聽到Vienna 跟Zac的對話：

Vienna 「Zac, 你讀左中學之後，我就煮唔到早餐你食㗎喇」(平日都是Vienna煮早餐的）

Zac 「係咪因為我要早起身呀？」

Vienna 「係呀，所以我係暑假煮多d比你食啦，我做左個menu,你每日都可以揀你鍾意食嘅早餐，我煮比你食啦。而家冇bacon,不過我遲d會買，所以我都寫埋係menu度」

Zac 「哦，好吖」

**之後Vienna把menu貼在廚房的門上

***實在太令我感動了..

畢業典禮

為了隆重其事....我戴上珍貴首飾（Zac之前串給我的頸鏈）出席他的畢業典禮。