數學題

今日二則對話：
駕車中的我「哎~~過左油站添，今日要入油呀，唯有返轉頭先入啦。」

Lukas「冇油，架車停左係路，係咪要拖車架？」

我「係呀」

Lukas「拖車嗰陣，d人係咪可以坐係入面架？」

我「係呀，要跟住架車一齊吖嘛」

Lukas 「媽咪，咁你唔好去入油啦，我覺得坐係架車比人拖住行係好型㗎，唔好入油啦，等拖車啦」

****呀仔，新年溜溜，可唔可以唔講d咁嘅嘢呢！***
..…..............................................
路過見到一位叔叔向一排磚頭灑水：

我「Lukas,你估下呢個叔叔點解會用水淋d磚頭嘅？」

Lukas 「因為黐埋囉」

我「嘅係點呀？」

Lukas「d太陽曬d磗，會分開（裂開），咁用水咪可以黐埋佢地，唔使分開（裂開）囉」

我「咦~~~你咁叻知道嘅！係咪唧係好似玩泥膠咁，乾左就...」

我還未說完Lukas便回應「係呀，加水之後咪黐番埋囉」

我「係呀，如果裂左就唔可以用來起屋，所以用淋水來防止d磚爛囉。你咁勁，咁都知道嘅，叻喎」

怎料他神氣的說「係呀，呢d只係數學題黎啫!」

**** 咦....應該係常識題喎***