古惑仔

話說今日崇拜完後，在教會門口等齊人預備一起去飲茶。剛走出門口，便看到Zac和Lukas已經出了來，正在遠處地方談話（就是拍這照片時),正當我想再多拍一張時，看到Lukas突然哭了起來，我趕忙跑去問個究竟：

我「Lukas, 做咩哭呀？」

Lukas 「我比ABC（幾個小朋友的名字）打呀...嗚~~嗚..」

我「點解打你呀？」

Lukas 「A話我偷左B嘅Lego ，所以佢地叫埋C一齊打我呀，但我冇偷呀，嗚~~嗚~~」（昨晚幾家人在B小朋友家裏吃飯，男孩子有玩過Lego)

我「咁A點解會話你偷先？」

Lukas「可能我沈晚（昨晚）笑佢囉」（在昨晩的聚會中Lukas取笑A小朋友蠢，令到其他小朋友也笑起來，但最後Lukas也道歉了）

我「咁可能係喇，你笑人地，有時係會帶來咁嘅後果囉，你以後唔好笑人喇！」

Lukas 「A仲踢我個頭呀!」

我「咁比我睇下個頭......睇落冇事呀，使唔使去醫院呀？」

突然Lukas破涕為笑「你知唔知佢地追住我個陣時，我點逃走㗎？」

我「點呀？」（見到佢笑成咁，很好奇想知）

Lukas 「係J ( 一個11歳的男孩）救左我㗎！我走走下見到J,我就拉左佢一齊入廁所，叫佢比佢個電話我，我開左電話嘅狗吠聲，又叫J同我一齊扮好驚，講"No...no.. don't come to us"...我地扮係廁所見到隻惡狗呀！佢地（指ABC小朋友）聽到我地兩個咁驚，就唔敢入廁所，跑走左喇。所從係J救左我㗎」

我「你點知J嘅電話有狗吠聲㗎？」

Lukas 「你個電話都有啦！」（噢，原來他指電話鈴聲選項其中一種聲音）

****Lukas,如果將來要拍「古惑仔」續集，我一定鼓勵你去casting...你擇中機會都應該幾高，呀媽等你攞影帝*** 順便多謝J客串，真係笑c我***

後記：我陪伴Lukas一同去跟B說他沒有偷他的lego玩具，他們都相信，還向Lukas道歉，之後我們都歡歡喜喜的飲茶去。