跟Zac&Vienna吃味千拉麵，入店中Vienna 推不開店門。
Zac＂Vienna,味千拉麵d門梗係＂拉＂架啦!
Vienna 一拉即開。
我心諗（Chur…唔係推就係拉架啦…懶係有＂思路＂咁…哈哈！）
Zac＂Vienna,味千拉麵d門梗係＂拉＂架啦!
Vienna 一拉即開。
我心諗（Chur…唔係推就係拉架啦…懶係有＂思路＂咁…哈哈！）
吃罷了，起身走前嚇見Zac在他的桌面留下這個….個waiter 居然欣賞左一陣才抹掉!
Tuesday, April 12, 2011
Sunday, March 20, 2011
常識
溫習常識科時： Vienna " 媽咪，老師可能會問d問題有關而家發生緊咩事,同埋香港邉個做d 咩。＂ 我＂係咪即係香港行政長官係邉個呀？呢類問題呀？＂ Vienna"係呀！＂ Zac 搶著說＂咪係曾蔭權囉！＂ Vienna "咁李白呢？＂ (Dead air ）+ 我跟Zac對望左幾秒鐘後，Zac 震驚地說＂佢死左喇wor ???!!!!" *** Vienna, 真係祝你明天常識科答案正確啊***
符號的威力
早上Vienna 想食餅乾作為早餐，而已吃過早餐的Lukas又不想Vienna 吃這餅乾（因為也是Lukas 喜愛的餅，他怕Vienna 會吃光）： Lukas "你唔可以食呢隻餅呀Vienna" Vienna "可以！＂ Lukas "唔可以，因為daddy 買既，唔係你買既！＂ Vienna "daddy 買既你又食！所以我都可以食＂ ...Lukas "你唔可以食！＂ Vienna "可以＂ Lukas "唔可以！＂ Vienna "可以＂ Lukas "唔可以！＂ Vienna "可以＂ Lukas "唔可以！＂ Vienna "可以＂ Lukas "唔可以，句號＂ 之後靜哂....（原來符號係好有用架！）
Wednesday, March 02, 2011
孤兒
昨晚跟Lukas 讀”兔子小白的禮物樹”時,談到送禮物給其他小朋友:
我 “你知唔知有d 小朋友係孤兒黎架?”
Lukas “咩係孤兒呀?”
我”既係佢地冇daddy 媽咪, 要住係孤兒院度, 好似小朋友camp咁”
Lukas”點解佢地冇daddy 媽咪既?”
我”你諗下點解…”
Lukas “佢地daddy 媽咪 死左?”
我 “係呀, 同埋有d daddy 媽咪唔要佢地d小朋友, 棄係街上, 警察送佢地去孤兒院收留”
Lukas “點解佢地(指爸媽) 咁快唔要佢地d小朋友je..你都唔知佢地大個會變成點架嘛, 可能佢地大個左唔會咁嘈呢?!”
(咦~~唔通Lukas 諗嘈係會令d父母棄小朋友既? 咁佢自己咪高危囉 ~~)
soft drinkkkkkkkkkkkkkk
在canteen 吃lunch 中：
Lukas"媽咪，我地未買嘢飲wor."
我＂係wor..咁你快d食,食完，我買嘢飲啦＂
Lukas" 媽咪，不如你自己飲soft drink, 我飲水啦＂（我好surprised 佢咁講）
(為要加強我不嬲反對飲太多soft drink 的思想..所以我說 :
"唔好喇，我係唔會飲soft drink 既，我唔想死呀，我都飲水啦＂
估唔到Lukas話＂媽咪，我好想死呀，我而家真係好想死呀，你比我死啦＂
(聽罷，我突然想到點解有d人斬手指都要賭）
Am I drinking too much soft drink here? Note: 相片取於Milk B magazine
Tuesday, February 08, 2011
“奶類”
今日帶Lukas 睇完醫生,順便去街市買菜..
Lukas “媽咪, 又講”奶類” (音) 喇, 咩係”奶類” 呀?
(我記得Lukas 以前係屋企問過我呢個問題, 但我都唔知其實佢講緊咩, 直到今日真相大白喇…)
Lukas 指著街市菜檔的一個婆婆說 “佢呀……奶類…奶類…奶類..”
Oh…原來係個婆婆講緊佢d 鄉下話…話”黎囉…黎囉….” (叫d 人去佢菜檔買野呀)
(聽得我呀 !!!)
Emily 對我好d
今日朋友Lili 和她的女兒 Emily (就黎四歲) 請我們到Playtown 玩, 又飲茶又送我們很多禮物 (真係超多的),回家途中我跟Lukas 說 “你睇 Lili 姨姨對你幾好,又玩又食仲有禮物.”
Lukas “其實係Emily 對我好”
我 “但係咁多野都係Lili 姨姨買同安排架wor…”
Lukas “因為Emily, 所以Lili 姨姨先會咁做架嘛!”
**都有道理wor…咁諗落都係Emily 對Lukas 好d ** 哈哈哈哈哈…..
地心吸力
沖完涼幫Lukas在抹身時：
Lukas ” 媽咪，世界冇左地心吸力時，係咪會地震架？＂
我＂應該唔會掛，呢兩樣野應該冇關連架wor!”
Lukas “嗱~~ 如果地心吸力冇左，d 野咪週圍跌,週圍飛，咪撞到個地球震囉，咪會地震囉！＂
我＂哦~~~ 咁都或者有可能嘅！＂
Lukas 又諗d 搞鬼野
又係Lukas沖完涼幫佢抹身時發生的 (唔通佢鐘意沖涼時諗野?):
Lukas “媽咪, 我諗其實全世界都係我地既relatives 黎架.”
我 “點解呀?”
Lukas “o拿~~ 我諗grandma 既grandad既grandad….黐黐黐上去…就係個幾個人 (雙手同時做左一個三角型)(所以我諗佢係講緊類似Family Tree咁既concept), 我諗grandma 既 grandad 可能係講中文既, 咁佢既小朋友既小朋友可能係我既同學wor…但係其實我地係同一個family 黎架!”
我 “咦~~點解你會諗d 咁既野既? ”
Lukas “我鐘意諗野嘛”
我 “點解你鐘意諗野既?”
Lukas “因為咁我可以答好多問題, 係沙田有貼紙囉.” (哈哈~~佢一定係講緊沙田大會堂lobby 常舉辦的”大細路劇團” 既表演, 佢地三個好鐘意睇呢個團既表演, d 演員會問小朋友問題的, 答中有貼紙))
我 “哦~~”
Lukas “但我係kindy上堂時唔諗呢d野架”
我 “點解呢?”
Lukas “因為如果我諗, 咪聽唔到老師講既野囉”
**我心諗: 你咁有分寸既咩! ***
Sunday, January 09, 2011
得意忘”型”
話說在一次shooting 中, 這次要拍出來的味道是要 “型” 的 !
攝影師正在拍攝另一位小朋友Daisy ,Lukas 等埋位, 等到悶悶地, 所以開始係度玩口水~~
Buuu…Buu….Bu….(玩呀玩~~愈玩愈高興)
點知一到佢埋位影時, 剛剛走到Daisy 身邊,那一條長長的口水未得及時控制, 從Lukas 口中直流出來…. (每個人都能看見)
Daisy 一邊彈開一邊大喊 “你流口水既 ????? !!!”
Lukas 很尷尬地一言不發,快快用手抹掉口水, 才可繼續拍攝~~
 |
 |
 |
| 就是拍攝這張照片前發生的事, 可能Lukas 仲有些尷尬..所以臉上還帶著 "不好意思"的痕跡..哈哈 |
Sunday, December 05, 2010
sweet “V” from 伊玲
There is a cute girl called 伊玲 at Lukas’ class asked Lukas what birthday present he wanted. Lukas replied “wii”.
Then her mum found out she drew a picture for Lukas. Her mum wanted to know why she drew two “V”s instead of maybe “L” (stands for Lukas) in the picture.
伊玲 replied “He said he likes V”
<< Hahaaa….such a cutie…>>
I was told by 伊玲’s mum that Lukas refused to accept the picture coz it wasn’t a real “wii”. Then 伊玲turned those Vs into flowers (the Vs are leaves) to hide those “V” s (what a clever girl indeed). Lukas accepted the picture BUT he gave it to another class mate called Michael.
Lukas never told me this story until I saw the picture was displayed in Michael’s home.
Thank you 伊玲’s mum for telling me this cute story between them. A Big Thank You to 伊玲 who drew such a beautiful picture for Lukas. I really wanted to take the picture home, unfortunately Lukas has given it to Michael, so I took photos of it to remember this sweet story.
Tuesday, November 30, 2010
用心的好父親
王品集團董事長戴勝益：我為何斷絕孩子的退路
作者：李翠卿 出處：親子天下
我的閱後感: “斷絕孩子財路”, 其實不難, 無論你多有錢也可做到,但當一個人在金錢上富裕時又能”清醒地”看生命價值和調節人生觀 [包括: priorities in life 例如: (家庭/孩子) Vs (工作/讀書)] 實在是不容易. 特別是生活於紙醉金迷的城市裡! 若願意特意地”退後” 走進孩子的步伐和與孩子一同學習面對困難 (特別是父親對孩子的認同和鼓勵) , 實在不是人人皆能! 一位用心,懂得真愛和懂得尊重孩子的父親才能成功!
細閱文章王品集團董事長戴勝益：我為何斷絕孩子的退路內容, 可click 以下連線:
這篇文章令我想起Dick and Rick Hoyt的故事,雖然內容有所不同, 但同樣是一位用心的好父親:
[tube]http://www.youtube.com/watch?v=ecwcq7FwHeY[/tube]
Tuesday, November 16, 2010
自然定律 – Law of Nature
可能因為Lukas 的學校今個月教”大自然”專題, 所以近來他問了很多有關自然界的問題!
上星期他跟我說他看到什麼是屬於大自然的,例如花草樹木,沙,海,天空等等……
Lukas “媽咪, 空氣都係屬於大自然既”
我 “點解呢?”
Lukas “因為空氣唔係人造的,所以屬於大自然”
我”哦~~~”
今天又問 “太婆既媽咪係咪死左架喇?”
我 “係呀”
Lukas “係咪因為佢好老,所以100歲就死左喇?”
我”係呀”
Lukas “咁我諗我係最遲死既一個, 因為全家我最細”
突然轉題目問 “媽咪, 今年係2010年,係咪?’
我 “係呀”
Lukas “咁下年係2011年, 之後就係2012年 ?”
我” 係呀”
Lukas “咁第一年係幾時開始架? 邊一年係第一年呀?”
我 “Jesus 出世個年係第一年囉~”
Lukas “係咪既係全部既第一年呀?”
我 “咁又唔係, Jesus 出世前叫公元前,即係 B.C, Jesus 出世後既年叫公元後,即A.D.”
都唔知Lukas 明唔明白我所講既,但佢又再問 “咁人死左之後幾耐先再出世架? ” (question about reincarnation)
我 “死左就死左架wor ~~”
Lukas “o下? 即係永遠死左? 冇得變番bb 再出世?”
我 “冇架, 我只聽過耶穌死左之後, 第三日復活咋 ”
Lukas “咁點解耶穌復活之後唔係變番bb 既?”
我 “我唔知wor..”
Lukas “咁人死左, 就永遠死左….好慘呀!” (question about eternity)
我 “其實都唔係好慘既,等我番到屋企慢慢解釋多d 比你知啦..” (當時我們行在路上,過馬路中)
一來Lukas 忘記了這個問題, 二來因為是哥哥姊姊的考試週,所以今晚還沒有機會和Lukas 討論這個生死問題~~哈哈!
 |
| I am a little thinker (相片嗚謝 Bee Studio 的 Season Yeung) |
Friday, October 22, 2010
Lazy cheeky monkey
Lukas 有一個壞習慣, 就是很少會自動自覺的自已弄早餐吃 (因為他們的早餐不用火煮, 所以很安全, 都應該是自己動手安排), 很多時都要三催四請才動手! 兩日前, 我正在準備起床時, Lukas 走來我房間理直氣壯的說 “媽咪, 我食左早餐喇, 我食左toast ,我今次食得好乾淨, 一d crumbs都冇跌到呀!”
我蒙蒙查查的答道 “好呀, 咁乖呀!” 之後Lukas 很高興的走到廳中玩他的lego. 不知怎麼, 我的頭腦重覆又重覆的想著他剛剛說的那句話,好像有些不對勁的….冇錯喇….終於想到,心諗 “佢冇理由可以食得咁乾淨, 一d 都冇跌到落地下!!”
跟住我走出廳再問佢 “你係咪冇食到早餐? ”
Lukas “有呀,都話食左toast囉”
我 “咁你用完隻碟呢?” (唔好以為我只係會睇d crumbs 先知道你有冇食過)
Lukas “……. 咪係廚房囉….”
Vienna 搶著 “個隻碟係我用過架, Lukas 都冇食早餐”
所以最後都要迫佢自己整早餐食 ~~~ d 人真係可以懶到寧願唔食!
*************************************************************
幾日前Lukas 因為發燒所以要留在家中休息幾日, 幼稚園其實是沒有功課的, 但佢每天要寫一頁日記 (可用drawing 來表達的), 我聽到 Lukas 跟 Vienna 的對話:
Lukas “Vienna, 你可唔可以幫我寫日記呀?”
Vienna “你想點寫呀?”
Lukas 打開他的日記簿 “你係呢度寫啦, 但你要寫d字核突d呀, 唔可以寫到你果d咁靚架, 如果唔係, 老師知道係你幫我寫架.”
Vienna 爽快的答應了, Vienna 在Lukas 的日記簿上寫上 “Lukas 發燒, 我們今天一起吃薯片” 和繪了一幅二人在吃薯片的圖.
Lukas 很放心地把日記簿放進書包內!
 |
| Lukas, 係咪蹺埋手唔使做呀? |
Saturday, October 02, 2010
Frog? Monkey?
昨天係public holiday, 所以有時間四處逛逛, 想找一張實用的床和書桌給Vienna. Zac 沒有跟我們一起因為他在同學家玩和留宿, 晚上會跟他的同學一家坐游艇看煙花. 那我們一行四人,有說有笑的週處逛逛. 很是輕鬆的!
路途中Lukas 發問 “媽咪, 係咪你切開個肚放我入去再生我出黎架?”
我 “唔係 ~~”
Lukas “咁我點入到去你個肚架?”
Vienna 滿有信心的搶著答 “係daddy 既 蝌蚪meet 媽咪既蛋蛋, 跟住咪變左個baby 囉 “ (Vienna 曾說過學校有教過這些)
Lukas 驚奇地說 “Daddy 係 frog?”
Vienna居然 很正經的答 “可能係”
Daddy 一邊駕車一邊聽在心裡,一直都沒有作聲, 怎料當我們路過猴子山時, 看見幾隻猴子在路邊, Daddy 反擊的說 “Lukas, here is the monkey mountain, we got you from here.”
Vienna 得意洋洋的加把口 “Yes, we have a moneky in the car.”
Lukas 不甘被Vienna 和 daddy 夾攻, 繼而說 “yes, the only monkey in the car is driving”
Subscribe to:
Posts (Atom)