結婚

跟舅父,舅母和grandparents 吃完飯,回家途中….

Vienna “媽咪,舅父舅母會唔會生baby 架?”

我”會,但唔知幾時呢,佢地剛剛結婚,可能遲d先生.”

Zac “咁遲d我地咪多個cousin 囉?”

我”係呀”

Zac “多d cousins 有咩好呀?”

我”多d人咪好玩d囉, 你第時生多d小朋友,佢地大個就會有多d cousins 一齊玩,咪開心d囉.”

Vienna 搶著說 “你唔使同Zac 講呢d嘢啦,佢都話唔會結婚嘛!”

Zac 快駁 “係囉, 第一,我唔係女人,我唔會生仔囉,第二,我係唔會結婚囉, 因為我係唔鐘意d 女仔既, 佢地好麻煩, 少少野都唔識,成日要人教佢地. 如果我結婚,一定係有好特別既原因囉!” (我心諗:結得婚就梗係特別架啦..)

Vienna “Zac, 咁如果你同男仔結婚, 你會同邊個呀?”

Zac 諗都唔使諗 “我會同XXX (同學名) 或者XXX (另一同學名)

Vienna 笑Zac ” 吓…你真係會同男仔結婚架? 哈哈….”

Zac 個樣招招積積”係呀.我係(gay)架, 咁點吖?!!!”

全程都安安靜靜的Lukas 突然說”Zac, 你(機) 架, 咁你係咪會同robot 結婚架?”

Zac 沒好氣 “係 gay, “G” “A” “Y” 呀, 唔係”機器”個機呀!!!”

Lukas ” 哦~~~”