嚴禁吸煙

Zac和Lukas 坐在小巴站的椅子上，正等待小巴中，途中有三位人仕走到坐椅旁邊抽煙：
Zac 嗅到煙味，立即離開走到我身旁，然而Lukas 還坐著輕輕鬆的吃著他的雞蛋仔小吃。

Zac 肉緊的向Lukas大聲說道「Lukas, 你唔覺得臭嘅咩？你食緊二手煙喎？」

我「唔好咁大聲講啦，嗰三個食煙人都聽到喇，唔係咁好意思嘛」

Zac 「我有講錯咩？佢（Lukas)再唔走開，食埋三手煙添呀！＂

我「咩係三手煙呀？」

Zac「即係d煙噴左去另外d嘢度，例如牆，家俬咁，跟住Lukas 吸番d煙味」

我「係咩？我未聽過喎」

**同時，Lukas剛剛吃完他的雞蛋仔，離開坐位跑到我們那邊**

Vienna 「Lukas,你知唔知食煙d牙會變黃㗎？吸d煙會係七秒鐘之內就會上到你個腦度㗎喇」

Lukas 在哥哥姊姊的「勸告」下，臉色有點驚慌！

當吸煙三人組剛離開了小巴站時：

Zac 「媽咪，借你個電話比我呀」

我「做咩？」

Zac「你睇，原來呢度真係唔可以吸煙㗎，我要舉報佢地，比個電話我啦」

**原來Zac突然看見有「嚴禁吸煙」的告示貼在小巴站旁**

我「算啦，唔使啦,佢地都走左啦」

Zac「我仲記得佢地個樣喎，兩男一女」

**當然我沒有給Zac電話**

大家靜默了一會，Zac突然問「如果我舉報左佢地，係咪有好巿民獎囉㗎？」

........@@.......