我唔想養hamster

近來Vienna 和Lukas一直叨嘮我，想要養第二隻倉鼠（第一隻是三年前養過）。每次到商場，他們都會去「I Love Rabbit」的店鋪看倉鼠去。以前養過，經歷不太愉快，所以我不想再養：

我「我冇錢養hamster喎...唔好買啦」

Vienna「我同Lukas會一齊出錢買，我地問過喇，十幾元一隻咋，我地都會每個月買食物比佢，我地出錢買埋個籠。買最平個個籠，得一層嘅就得啦。我地要買hamster！」

我「你地話要養，但只係同佢玩，最後都係我照顧佢。又要清潔個籠，又要同佢沖涼...好多嘢做㗎，我邊咁得閒呀。」

Lukas 「我同Vienna會做晒呢d嘢，你唔使做㗎，係咪呀Vienna?」

Vienna 「係囉,總之我地一定要買hamster！」

我「我唔會信，開頭只係做一陣，之後又咪係我做〜〜！我又唔鍾意d hamster 味，覺得好臭」

Vienna 「我會問佢地（shop sales) 有邊隻除味嘢可以用㗎喇，有唔同味道㗎，最多你可以揀你鍾意嘅味道啦...唔該啦。我地真係好想有隻hamster㗎，總之，我地一定會買一隻hamster嘅！」

我「如果我地一年之後離開香港，又唔會帶埋佢走，咁佢咪好慘囉。所以都係唔好養喇〜〜」

Lukas 好醒神咁話「得！我會問間shop 佢地邊隻會最快死嘅，邊隻會係一年之內會死嘅。咁我地咪買個隻咪得囉！」

****唔使講喇,總之我唔想養hamster 啦***