奇蹟再現

4小時的shooting, 迅速在1.5 小時拍完....奇蹟再現！哈哈..

話說因迅速完成工作，每人都歡天喜地：

一staff對Lukas說「咁快搞掂，好開心呀，真係唔該晒你呀Lukas，下次可唔可以再搵你呀?」

Lukas 「你咁開心嘅？我就可以放工，你地應該仲未㗎喎，你地仲有嘢做㗎喎~~」

Staff 「哎呀~~~你講得啱呀！」

***Lukas話個photographer似Iron Man 喎***

好正

今天和Lukas行商場時：

有一店舖職員跟Lukas說「咦，我認得你呀，你係唔係model黎㗎？」

Lukas「唔係〜〜我只係一個幼稚園學生黎啫」

**果然答得好正，哈哈**

** Actually he is a primary school student**

電話計畫

昨天，我見Vienna 一天內打了五、六個電話，我問她為什麼要打那麼多電話。原來她說她班內有一同學是不喜歡說話的，跟他同班兩年也沒有真正聽到他說話，只說單字但也很小聲。他是用寫，點頭或搖頭來跟人溝通的（但他的數學超勁，Vienna 說老師給他數學題時，他好像不用想，便可以很快寫出準確的答案來）。

事緣星期五，那同學的媽媽在學校跟Vienna談話後，給了電話給Vienna,希望她可以找她兒子多談話。

所以星期六Vienna 便開始這個「電話計畫」，初時同學也是一句起兩句止來應付Vienna的來電，怎料在旁晚開始，同學開始打來找Vienna談話，今天他已打了超過五、六個電話來找Vienna談話。

Vienna 「媽咪，呢個同學係學校唔講嘢㗎，可能佢怕人，但佢媽咪話佢係電話就會講多d,我想encourage 佢講多d嘢，所以我而家成日打電話，接電話，你介唔介意呀？」

我「唔介意，好好喎，你鼓勵同學。咁你同佢講d咩㗎？」

Vienna 「我最初問佢d問題，例如你而家做緊咩，食左飯未，好簡單嘅問題，之後佢打比我，我就問佢多d嘅問題，我叫佢講我知佢今日會做d咩，原來佢學好多嘢㗎！我而家開始encourage 佢打比其他同學傾計，遲d我會encourage 佢係學校都可以開聲講嘢。」

**** Daddy和我也覺得Vienna做得很好，很令人鼓舞，我們也稱讚她。預祝這個「電話計畫」成功***

change names

In the car:
Zac " Dad, are people allowed to change names?"

Daddy "Yes, some people change names. Do you want to change your name Zac?"

Zac" If I changed my name, I would love to change to either 「Obi Wan Kenobi」or 「 Anakin」＂

Vienna " If I changed my name, I want 「Christine」 or 「Selena」 or 「Taylor」or 「 Lady ViVi」

**** 「Lady Vivi」？ Oh I got it.. .. Christine (from Phantom of the Opera); Selena Gomez; Taylor Swift and Lady GaGa****

Lukas " If I changed my name, I want 「Lightning McQueen」or 「Francesco」

去街巿

今日因Lukas 還在家中休息，早上吃了藥睡到十一時多才起來，精神也不錯。下午接姊姊放學前要跟我到街市買菜：

菜販「靚女，買咩吖？」

Lukas 「媽咪，佢叫你靚女喎~~」

我「係咁㗎啦，街巿賣嘢d人個個都咁叫人㗎啦。」

怎料Lukas轉過身跟菜販說「其實我媽咪唔係咁靚女㗎，佢戴眼鏡㗎！我就靚仔。」

菜販「咦,係喎，你好靚仔喎，鼻高高，真係好靚仔喎！」

Lukas 「都係嘅〜〜」（突然令我想起周星馳d態度..)

****大佬，下次真係唔敢帶你去街巿***

Lukas的作業簿

今晚查看Lukas的作業簿時...

唔使咁間接嘅

跟Lukas吃飯中：

我「Lukas,一陣行街時，如果你見到Bossini shop 就話我知吖，我想買d衫比哥哥」

Lukas 「都應該冇嘢係我睇到而你睇唔到掛」
*********************************

Lukas「媽咪，我想飮嘢吖」

我「噢...咁飲呢杯茶啦，我飲左一小啖咋」

Lukas 「咁你頭先用邊隻手拿杯架？」

我「右手囉......點解咁問呀？」

Lukas「知道你頭先用邊隻手拿杯，我咪知你飲過邊個位置囉。好彩隻杯得一隻耳，如果兩隻耳，我就分唔到你飲過邊個位置㗎喇，係咪？真係好彩！」

****的確有邏輯，但其實講嘢可以直接d嘅,唔使咁間接啦***

唔好飲汽水

我「Lukas,如果一陣有人請你飲汽水，你記住唔好飲呀，我唔想你飲咁多甜嘢呀。」

Lukas 「得喇，我唔會飲嘅。我知香港係一個自由嘅地方，我可以選擇做咩都得，我可以殺人都得，但我會坐監。所以睇我係唔係stupid，選擇錯啫。係咪呀媽咪？」

***真好，一瓶汽水可以令到你想到更多***

Life of Pi ?

今天出海風太大，划遠了（應該是被風吹遠了）又划不回岸，只好求救船夫出手拖船救人。租船二十大元，請船夫拖船二百多大元！ *** SIGH ***

sleeping Ninga

Look what I just saw in Lukas' room, I don't know why he did that! 
呀仔，睡覺啫，使唔使咁stylish吖...哈哈！

Lukas' shadow

Can you see the face formed by Lukas' shadow? It just reminds me of Jesus wearing the crown of thorn during Easter time! 

祈禱

Lukas睡前，我們一起在床邊禱告後：

Lukas 「媽咪，你有時用英文祈禱，有時用中文祈禱。耶穌係咩人黎㗎？佢係咪mixed 呀？」

我「Hmmm....佢咩語言都聽得明嘅。」

Lukas 「你答--佢係Jerusalem 人咪得囉。」

....思維與角度...

Coco muffins

Vienna has baked the Coco muffins ( new recipe she found).

Games

Lukas is overwhelmed by these games with his photos on given by a very generous client. Lukas is grateful for these and can't wait to play games with his little friends.

看醫生

Lukas 已經可以獨立般去看醫生，我只是像 body guide 陪他左右，今天傍晚去看醫生時，他已經走在我前面，推門入診所，直走到reception處，說「唔該，Lukas到左喇」！

去醫生房時竟然自己快快的關上門，把隨後的我留在門外。那我當然再開門跟隨看診，我坐在旁邊：

醫生「Lukas, 咩事吖？」

Lukas 「有blocked nose 同咳」

我補充「白天咳唔多，只係晚上睡中咳多d」

醫生「有冇發燒？」

Lukas 「冇」

醫生「有冇流鼻水？」

Lukas 「冇，流鼻血算唔算？」

醫生:「哈哈....」

醫生「有冇頭痛？」

Lukas 「有架，當我哥哥踢波踢到我個頭時，會頭痛㗎...嘻嘻」

醫生「你又玩嘢...哈哈..有冇頭痛吖？」

Lukas 「冇」

***醫生用聽筒聽胸和肺***

醫生「應該是傷風後引起的小小鼻敏感啫，食d藥啦」

Lukas 「點解你唔用枝棒睇我嘅口嘅 (即沒有檢查Lukas的喉嚨）」

***醫生沒回答，怎料Lukas再問多一次***

**醫生滴汗中（哈哈），那我為醫生解圍「Lukas,醫生知道幾時應該檢查，幾時唔使檢查㗎嘛」（我猜應該是醫生忘記了檢查，因為對小孩這是必檢查的）

醫生「食住d藥，睇下點先啦」

Lukas 「不如食住d糖睇下點先啦」

醫生「哈哈...你次次都咁搞笑㗎」

***相片攝於待領藥時，他說看完醫生要relax 下喎***

Lukas,祝你早日康復。

打氣

Vienna 見呀哥和細佬努力溫習考試，所以佢煮個宵夜來為他們打氣。是她第一次煮pancakes..

School Sports Day

School sports day 
Results：擲項冠軍，跳遠冠軍，60米冠軍，120米冠軍,跨欄30 米冠軍..Vienna,你好強啊，為瘦人爭光...Yay!!

high school interview

話說昨天預備去Zac interview 的中學前(Zac已經在那裏考緊試，父母要下午到那裏interview):

我「Lukas, 原來學校要interview家長呀，我冇安排baby sitter比你，所以要帶埋你去學校，最多我比你帶部iPad 去玩，當我同daddy入去interview時，你自己要靜靜地係reception嘅位置玩，有receptionist 係度嘅，你唔走開就得架喇，我地interview完之後會黎接番你」

怎料Lukas說「唔好帶iPad去啦，比校長見到，以為我地addicted 㗎，以為我地成日係屋企玩iPad,可能唔收Zac㗎喎，不如帶本書去睇啦」（咁都比你諗到..!!)

我說「都可能會喎，咁你就帶本書去睇啦」

Lukas「不過我想係車玩ipad喎，只係車裏面玩，落車我就換本書去學校睇，得唔得呀媽咪？」

我「咁呀，好啦」

****到interview時，校長竟然叫埋Lukas入office跟著我們。

Lukas一坐下便打開他帶來的Starwars書，放在和眼成水平缐的位置看書（真的很造作耶), 一直狀似在看得很入神，可是沒有見他翻過一頁...哈哈...(我見佢努力的扮演，很想笑，但要忍，因為校長正和我們說話）

***Lukas真的很為Zac著想...哈哈***

策略型

策略型：

Vienna 同學的媽媽今早來電說要邀請Vienna 到他們家sleep over. 
隨著那媽媽告訴我一個「內幕」：
那媽媽跟我說「Vienna 前天帶了一些禮物來送給我的幼女（她長女跟Vienna 同班),還跟我長女說, 她要親手交禮物給我，因為要使我覺得她是一個很乖巧的人，那我便有可能會安排一個play day 給她倆」

我「Vienna 真的這樣跟你女兒說嗎？」

那媽媽「真的，還有她真的是很generous哩，所以我想邀請她來我家一起玩」

我「那Vienna 的策略很成功啦...哈哈！好,若果她這幾天也是乖乖的，我便讓她去sleepover吧！」

***其實那媽媽是很慷慨的，她很多時也會邀請不同的小孩到她家裡玩耍****

**********************************
昨晚，我從新聞網內抽了幾則新聞來和小孩分享討論。其一則是關於柬埔寨的極低人工（HKD2/ hr)的「血汗工廠」，使人民生活艱辛。

我對此則新聞的評語「他們真的很辛酸，做又死，唔做又冇錢，很慘啊」

怎料Vienna 的分享是「我會到這種工廠工作的，我首先會入去做工，從中學習他們是怎樣生產，設計和其他方面。學會了全部，我便會遲職，之後自己會開一間相同的工廠，請回全部的工人來我的工廠工作，我會給他們好的人工。那便可以解決問題了。」

***Vienna ，若這個策略可行，我會支持你的***

**************************************
今天晚上，Vienna親手做朱古力甜點給新鄰居和她的同學...很好的「結納策略」....哈哈！

第一次賣旗

今天賣完旗，daddy帶同Vienna & Lukas 來跟我們一同吃午餐。同時我要求Zac跟我們分享他第一次賣旗的感受和學習到的東西：

我「Zac你講下今日賣旗學到d咩比我地知？」

Zac:
1.我行路行左三個鐘啦
2.同陌生人講嘢
3.有人唔so 我都ok (即別人不理會我，也沒所謂)
4.不要以貌取人(因為賣旗早段，Zac不敢向一些他認為「貌惡」的行人賣旗，因為他說怕那些人可能會向他吐痰。但我鼓勵他嘗試，果然他的嘗試結果助他打破這個perception.

我「多謝你分享，仲有冇其他分享？」

Zac「冇喇，oh...係哩，媽咪，點解你唔係好似我同學d家長咁同我地一齊賣旗嘅（即家長和孩子站在一起，一同向路人賣旗)? 你開始有同，但之後就冇」

我「你話呢？估下我點解咁做？」

Zac「因為你想我學習唔怕自己面對陌生人？」

我「係喇，你係高年班學生，你可以做到的」
**（其實我的眼睛是一路有陪同Zac的，但只是特意站到商店旁觀察，初時，他賣完一玫旗便跑回我身邊，但我跟他說不可以站到我隔離，叫他自己找「客人」去，要作「進攻型」（他的電子遊戲術語）**

Zac想了一會繼續說「最多買旗嘅人係老人家」

我「你認為點解嘅？」

Zac「可能佢地退左休，冇咁趕時間啦」

我「可能啦。又或者會唔會因為老人家經歷比年輕人多，可能佢地細個時經歷過好慘或者好窮嘅時候，所以而家懂得幫助有需要嘅人呢？」

Zac「都有可能」

跟著又含羞答答的說「有兩個人話我係女仔囉，佢叫d小朋友入錢比姐姐囉...仲有，有一個人伸手入褲袋，我以為佢攞緊銀包出來，點知佢原來攞包紙巾出來」

我「仲有比幾個女仔話你靚仔啦...哈哈」

***Vienna & Lukas 當然藉此對Zac嘲弄一番...哈哈***

今次的賣旗經歷對Zac是不錯的見識！