Lukas溫習中文科

和Lukas溫習中文科時：
請作句子：

「蟬」
Lukas "蟬是一種叫得很煩的昆蟲＂

「只」
Lukas "我只吃飯，不洗碗＂

~~~~哈哈~~~~

***溫習完畢，又踏單車去***

這張紙

下星期還要考試，Zac要求玩電腦遊戲，被我拒絕，他竟然給我這張紙：

羅Sir

因有幫手搞畢業禮事宜，看了Zac的畢業相片，心想「羅Sir 好chok 喎，哈哈」。在我隔離的Lukas問我在看什麼，我說是Zac的畢業班相，再順手給Lukas看看，怎料Lukas說了一句「咦~~羅Sir扮型仔喎！」

****哈哈...羅Sir搶鏡成功***

其實這位羅Sir 是一位勁受學生愛戴的年青有為老師，他很盡心盡力的教導每一位學生，不但在學術方面教得活，我很欣賞他同時很注重教導學生的品格行為方面。極願意放時間與學生溝通，這點身為老師和父母是極重要的，因為要理解孩子，才可以因材施教！

總括來說，我很感恩Zac在這所小學經歷了老師，同學，甚至他同學家長的教導，愛護和照顧。令我很感動。

六年的光陰如箭似飛，各同學也將會到不同地區的學校升中，將會不能常見面，但希望他們能保持聯絡，做個重感情的人。

同學們，要繼續努力去追尋你們的夢想，要在社會裏活出人美善的一面來報答老師們的辛勞教導！

考常識

今日放學：
我「今日考常識考成點呀？」

Lukas「有一條一定錯啦」

我「點解呀？」

Lukas 「有一幅圖，有個小朋友自己煮嘢食，題目問個小朋友可能會有咩意外。我知道答案係（燙傷），但我唔記得個（燙）字㸃寫，所以我寫（切傷），因為煮嘢食都要切d食物㗎嘛」

但老師行過問我「係幅圖你見到有刀咩？」

Lukas 答「其實我睇圖唔係咁叻嘅~~」（佢話份晒懵，睇下可唔可以過關喎)

等老師行開後，佢話都係知道唔可以答（切傷），因為圖中冇刀出現。

最後佢竟然改左答案為：煮傷

****唔知老師會唔會比分呢

Dinner

繼續唱

今晚Daddy一邊彈結他一邊和我唱下呢首歌，點知：

Lukas走左入厠所（逃避型）
Zac匿在椅後，再用本書蓋面（強忍型）
Vienna 站在我倆面前說「其實你地兩個都out of tune.」（激進型）
Daddy 「唱下詩歌啫~~」
Vienna 「其實worship God 係可以係心個度嘅，唔一定要出聲嘅」

**結果daddy要他們三個唱埋一份，仲話明晚繼續唱多次**

一宿雖然有哭泣， 早晨便必歡呼

這兩天看到美麗的藍天白雲，第一樣想到的就是紐西蘭的天空！嘩~~現在香港也能享受耶。超讚！

第二樣想到的是提醒我自己另一樣東西：
之前一直下了很久的雨，師奶的我很是不滿，因為洗衣也不乾又不能帶孩子出外玩（悶在家裡，令各人也覺很煩的情況），潮溼又令家裡很多地方也要勤清洗來保持清爽，以免發霉...總之這些就是令我不太爽。

直到昨天看到美麗的天空時，突然有段話在腦中出現，是這樣說的「之前下很多很密的雨，就是要把空中一切的塵埃洗淨，現在才可見這碧藍的天空。這是必經之路,才得看見！
同樣有時我們生活在「不爽」的情況下（失業，失戀，金錢問題，人際關係問題等等），也不要灰心，因為有的是明天，有的是希望。現在的「不爽」，只是短暫的或是必經的，因為很多時人要經過「不爽」的時刻才會反醒，才會珍惜！這些反醒而來的得著可以預備我們之後走更新、更遠、更美的路。」

我感謝神給我的提醒及鼓勵！之前的「不爽」已被「藍天白雲」蓋過了，感恩！

聖經說「...一宿雖然有哭泣， 早晨便必歡呼」 (詩篇 30:5）

願我們更認識神，祂對我們的應許是永不落空的！

*這些相片是Zac放學後,在我們回家途中用我的電話拍攝的，請欣賞**

一樣嘢

放學回到家後：

Lukas 突然跟我說「媽咪，其實我做數學係好hea 咁做㗎」

我「咦...你咁講，係咪派左d測驗卷，quiz 之類，好低分呀？」（因為我知佢係用個＂hea＂字來掩飾自己嘅「做唔到」嘅人）

Lukas 「工作紙,你唔好話我喎」

我「咁幾多分呀？」

Lukas 「你唔好話我喎...50分滿分，我攞26分」

我「嘩！真係幾低分喎」

Lukas 「其實我只係錯左一樣嘢啫，又唔係錯好多樣嘢，所以你唔使話我喎」

我「咁錯邊一樣嘢呀？」

Lukas「計錯數」

****呢個答案實在太完美喇***

孩童

喜歡跟孩童談話，因為他們直接了當，帶出真誠，雖然有時會令你懊惱，又時會令你啼笑皆非...但你聽了總是有滿足喜樂！

孩子又喜歡跟玩具談話，又是因為它們直接了當，雖然它們永遠不會真實回應，但真誠的孩子會代它們回應（還會扮演它們的聲音來回應），跟著孩子自己便很滿足，很喜樂...

***學像孩童般的真誠....很寶貴***
孩童的話往往能幫助成人深思，所以要留心聽他們的話！

lemonade

今日當我埋頭寫稿時（加上我勁頭痛），Vienna親手造了"lemonade" 給我喝：

她是用削了的檸檬皮煲水再加入蜜糖，放入冰箱一陣，再拿出來給我喝的。

Vienna 「媽咪，你需要多d Vitamin C呀，你飲啦」

Zac 「咦~~~媽咪，你飲d 冇牌子嘢喎！」

Vienna 「自己造一定安全d啦，因為你知道裏面有咩成份嘛，好唔好飲呀媽咪？」

****我喝了一口，果然好飲過外邊買的（除了沒有＂汽＂外),我叫了daddy來嘗一口，怎料他喝光整杯，那Vienna為我添多一杯! Lukas也喝了一杯。現在有＂愛心lemonade ",一定會努力寫稿。Thank you Vienna****

Mother's Day 2013

I have a great Mother's Day. The kids made me breakfast, drew me cards, bought me a hand bag and made me beautiful necklaces at their Sunday School. I am a very grateful mum. Thank you God for giving me a loving family. PTL.

奇蹟再現

4小時的shooting, 迅速在1.5 小時拍完....奇蹟再現！哈哈..

話說因迅速完成工作，每人都歡天喜地：

一staff對Lukas說「咁快搞掂，好開心呀，真係唔該晒你呀Lukas，下次可唔可以再搵你呀?」

Lukas 「你咁開心嘅？我就可以放工，你地應該仲未㗎喎，你地仲有嘢做㗎喎~~」

Staff 「哎呀~~~你講得啱呀！」

***Lukas話個photographer似Iron Man 喎***

好正

今天和Lukas行商場時：

有一店舖職員跟Lukas說「咦，我認得你呀，你係唔係model黎㗎？」

Lukas「唔係〜〜我只係一個幼稚園學生黎啫」

**果然答得好正，哈哈**

** Actually he is a primary school student**

電話計畫

昨天，我見Vienna 一天內打了五、六個電話，我問她為什麼要打那麼多電話。原來她說她班內有一同學是不喜歡說話的，跟他同班兩年也沒有真正聽到他說話，只說單字但也很小聲。他是用寫，點頭或搖頭來跟人溝通的（但他的數學超勁，Vienna 說老師給他數學題時，他好像不用想，便可以很快寫出準確的答案來）。

事緣星期五，那同學的媽媽在學校跟Vienna談話後，給了電話給Vienna,希望她可以找她兒子多談話。

所以星期六Vienna 便開始這個「電話計畫」，初時同學也是一句起兩句止來應付Vienna的來電，怎料在旁晚開始，同學開始打來找Vienna談話，今天他已打了超過五、六個電話來找Vienna談話。

Vienna 「媽咪，呢個同學係學校唔講嘢㗎，可能佢怕人，但佢媽咪話佢係電話就會講多d,我想encourage 佢講多d嘢，所以我而家成日打電話，接電話，你介唔介意呀？」

我「唔介意，好好喎，你鼓勵同學。咁你同佢講d咩㗎？」

Vienna 「我最初問佢d問題，例如你而家做緊咩，食左飯未，好簡單嘅問題，之後佢打比我，我就問佢多d嘅問題，我叫佢講我知佢今日會做d咩，原來佢學好多嘢㗎！我而家開始encourage 佢打比其他同學傾計，遲d我會encourage 佢係學校都可以開聲講嘢。」

**** Daddy和我也覺得Vienna做得很好，很令人鼓舞，我們也稱讚她。預祝這個「電話計畫」成功***

change names

In the car:
Zac " Dad, are people allowed to change names?"

Daddy "Yes, some people change names. Do you want to change your name Zac?"

Zac" If I changed my name, I would love to change to either 「Obi Wan Kenobi」or 「 Anakin」＂

Vienna " If I changed my name, I want 「Christine」 or 「Selena」 or 「Taylor」or 「 Lady ViVi」

**** 「Lady Vivi」？ Oh I got it.. .. Christine (from Phantom of the Opera); Selena Gomez; Taylor Swift and Lady GaGa****

Lukas " If I changed my name, I want 「Lightning McQueen」or 「Francesco」

去街巿

今日因Lukas 還在家中休息，早上吃了藥睡到十一時多才起來，精神也不錯。下午接姊姊放學前要跟我到街市買菜：

菜販「靚女，買咩吖？」

Lukas 「媽咪，佢叫你靚女喎~~」

我「係咁㗎啦，街巿賣嘢d人個個都咁叫人㗎啦。」

怎料Lukas轉過身跟菜販說「其實我媽咪唔係咁靚女㗎，佢戴眼鏡㗎！我就靚仔。」

菜販「咦,係喎，你好靚仔喎，鼻高高，真係好靚仔喎！」

Lukas 「都係嘅〜〜」（突然令我想起周星馳d態度..)

****大佬，下次真係唔敢帶你去街巿***

Lukas的作業簿

今晚查看Lukas的作業簿時...

唔使咁間接嘅

跟Lukas吃飯中：

我「Lukas,一陣行街時，如果你見到Bossini shop 就話我知吖，我想買d衫比哥哥」

Lukas 「都應該冇嘢係我睇到而你睇唔到掛」
*********************************

Lukas「媽咪，我想飮嘢吖」

我「噢...咁飲呢杯茶啦，我飲左一小啖咋」

Lukas 「咁你頭先用邊隻手拿杯架？」

我「右手囉......點解咁問呀？」

Lukas「知道你頭先用邊隻手拿杯，我咪知你飲過邊個位置囉。好彩隻杯得一隻耳，如果兩隻耳，我就分唔到你飲過邊個位置㗎喇，係咪？真係好彩！」

****的確有邏輯，但其實講嘢可以直接d嘅,唔使咁間接啦***

唔好飲汽水

我「Lukas,如果一陣有人請你飲汽水，你記住唔好飲呀，我唔想你飲咁多甜嘢呀。」

Lukas 「得喇，我唔會飲嘅。我知香港係一個自由嘅地方，我可以選擇做咩都得，我可以殺人都得，但我會坐監。所以睇我係唔係stupid，選擇錯啫。係咪呀媽咪？」

***真好，一瓶汽水可以令到你想到更多***

Life of Pi ?

今天出海風太大，划遠了（應該是被風吹遠了）又划不回岸，只好求救船夫出手拖船救人。租船二十大元，請船夫拖船二百多大元！ *** SIGH ***